CTEVT द्वारा बाल विकास सहजकर्ता तालिम समापन
![](https://www.paribartannews.com/wp-content/uploads/2023/04/Screenshot_20230407-213856_Gmail-768x340.jpg)
चैत्र २४,पोखरा
![](https://www.paribartannews.com/wp-content/uploads/2024/09/received_1173551347278489.jpeg)
पोखरा महानगरपालिका र प्राबिधिक शिक्षा तथा ब्यबसायिक तालिम परिषद (CTEVT) को साझेदारीमा संचालित गण्डकी बहुप्राविधिक शिक्षालयको आयोजनामा बालविकास सहजकर्ता तालिम एक कार्यक्रमका बिच समापन गरिएको छ ।
शिक्षालयको स्वीकृत पाठ्यक्रममको अधिनमा रही ३९० घण्टा सम्म संचालन गरिएको तालिममा ४० जना सहभागी रहेका थिए ।तलिम मा सहभागीका लागि परेका आवेदनहरु मध्ये अति आवश्यकता रहेका न्यून आम्दानी भएका व्यक्तिहरु छनौट गरि संचालन गरिएको थियो।
कार्यक्रममा शिक्षालयका संचालन समिति सदस्य यवम पोखरा महानगरपालिका वडा नं. २९ का वडा अध्यक्ष श्रीप्रसाद गुरुङ , पोखरा महानगरपालिकाका शिक्षा निर्देशक हेमप्रसाद आचार्य, सदस्य यबम कार्यपालिका सदस्य निर्मलापौडेल, ब्यबसायिक तालिम प्रबर्धन केन्द्रका संयोजक नवराज अधिकारी, जनप्रकाश मा.बि. का प्रध्यानाध्यापक शेखरनाथ शर्मा लगायतले शुभकामना मन्तब्य राख्नु भएको थियो ।
कार्यक्रमको संचालन शिक्षायलका शैक्षिक प्रमुख सरोज अधिकारी ले गर्नुभएको थियो भने स्वागत मन्तब्य तालिम प्रशिक्षक प्रभा भुजेलले दिनुभएको थियो |पोखरा-२९, भण्डारढिकमा, गण्डकी बहुप्राविधिक शिक्षालयमा भएको तालिमको समापन शिक्षालयका निर्देशक लक्ष्मण तिमिल्सिनाको अध्यक्षतामा सम्पन्न भएको थियो।
कार्यक्रम मा बक्ता हरुले स्थानीय उत्पादनलाइ बढुवा दिदै स्वरोजगारीका अवसर सृजना गर्ने गराउने उधेश्यले सिपमुलक तालिम संचालन गर्दै आएको शिक्षालयले बिद्यालय स्तर एसइइ (SEE) अध्ययन पश्चातका तिन बर्षे इन्जिनियरिंग तर्फका कार्यक्रम (सिभिल, अटोमोबाइल र जियोम्याटिक) र डिप्लोमा इन फरेस्ट्री (बन बिज्ञान) का कार्यक्रमहरु संचालन गरिरहेको छ भने आगामी वर्ष देखि स्वास्थ्यका कार्यक्रमहरु (जनरल मेडिसिन र फार्मेसी) संचालन गर्ने तय गरिएको जानकारी गराइएको थियो।
![](https://www.paribartannews.com/wp-content/uploads/2024/08/Screenshot_20240817-104300_Gmail-1.jpg)