काठमाडौंबाट पोखरा हुदै म्याग्दी जादै गरेको बस त्रिशुलीमा खस्दा ८ जनाको मृत्यु
![](https://www.paribartannews.com/wp-content/uploads/2023/08/dhading-768x358.jpg)
भदौ ६,धादिंग
![](https://www.paribartannews.com/wp-content/uploads/2024/09/received_1173551347278489.jpeg)
धादिङको गजुरी गाउँपालिका–२ चालिसे भन्ने स्थानबाट त्रिशूली नदीमा यात्रु बस खस्दा ८ जनाको मृत्यु भएको छ। बस दुर्घटनामा मृत्यु हुने मध्ये चार जनाको सनाखत भएको छ ।
म्याग्दी रघुगङ्गा–३ का ५० वर्षीय थानबहादुर भण्डारी, पर्वत मोदी–१ की १५ वर्षीय कृतिका शर्मा पौडेल, धादिङ गजुरी–८ का अन्दाजी २० वर्षीय सुशील रम्तेल र कास्की फुलबारी–११ का अन्दाजी २४ वर्षीय सुमन थापा हुनुहुन्छ भने ८ जना घाइतेको उद्दार गरिएको छ । मृतकहरुमा एकजना महिला र तीन जना पुरुषको सनाखत हुन बाँकी रहेको जिल्ला प्रहरी कार्यलय धादिङका प्रहरी उपरीक्षक गौतम मिश्रले जानकारी दिनुभयो ।
जिल्ला प्रहरी कार्यालय धादिङका अनुसार काठमाडौंबाट पोखरा हुदै म्याग्दी जादै गरेको प्रदेश ३- ०१- ००५ ख ९९५२ बस गजुरी– २ चालिसे भन्ने स्थानबाट त्रिशूली नदीमा खसेको थियाे।बस नदीमा डुबेकोले गोताखोरको टोलीले यात्रु हराइरहेको आशङ्कामा खोजी जारी राखेको छ । नेपाली सेना, नेपाल प्रहरी, सशस्त्र प्रहरी र स्थानीयवासीले उद्धार गरेका थिए । साँघुरो सडकमा ‘ओभर्टेग’ गर्ने क्रममा बस अनियन्त्रित भै खसेको हुनसक्ने अनुमान गरीएको छ ।
![](https://www.paribartannews.com/wp-content/uploads/2024/08/Screenshot_20240817-104300_Gmail-1.jpg)