धार्मिक विधिपूर्वक भाद्र चतुर्दशीका दिनदेखि काठमाडौ बासिले इन्द्रजात्रा मनाउदै
![](https://www.paribartannews.com/wp-content/uploads/2023/09/Indra-jatra-2017-7-768x419.jpg)
असोज ११ ,काठमाडौ
![](https://www.paribartannews.com/wp-content/uploads/2024/09/received_1173551347278489.jpeg)
भाद्र शुक्ल चतुर्दशीका दिन मनाउने इन्द्र जात्रा आज काठमाडौँ, भक्तपुर, काभ्रे, दोलखा, ललितपुर लगायतका जिल्लामा मनाइन्छ ।इन्द्रजात्रा को अवसरमा आज काठमाडौँ उपत्यकामा सार्वजनिक बिदा समेत दिइएको छ ।
धार्मिक विधिपूर्वक भाद्र शुक्ल द्वादशीका दिन काठमाडौँको बसन्तपुरस्थित हनुमान ढोका अडाडि इन्द्रको प्रतिमा बनाइ ध्वजासहितको लिङ्गो ठड्याएपछि सुरु गरिने जात्रामा विभिन्न प्रकारका नाचगान,रथयात्रा र देवीदेवताको पूजाआजा गरिन्छ ।
हिजो बुधबार कुमारीको पूजा गरिएको थियो भने इन्द्र जात्राको अन्तिम दिन असोज १५ गते राति ध्वजासहितको लिङ्गो ढालेपछि जात्रा समाप्त गरिनेछ।जात्राको मुख्य दिन आज राष्ट्रपतिबाट हनुमानढोका स्थित गणेश, भैरव र कुमारीको रथयात्रा नजर गर्ने परम्परा छ ।
जात्रा अन्तर्गत असोज १० गते जीवित देवी कुमारी, गणेश र भैरवको पूजा गरिएको थियो । आज ती देवीदेवताको रथयात्रा हुने छ । रथयात्राको रुटमा सबै प्रकारका सवारी साधनहरु निषेध गरिएको छ ।
![](https://www.paribartannews.com/wp-content/uploads/2024/08/Screenshot_20240817-104300_Gmail-1.jpg)