नेपालको शैक्षिक जगतमा चर्चित विन्ध्यवासिनी मा.वि. र आसपासका बिधालयका एसइइको नतिजा

असार १३, पोखरा

एसइई–२०८० को नतिजा अनुसार शैक्षिक जगतमा नेपालकै प्रथम विद्यालय बिन्ध्यवासिनी माध्यमिक विद्यालय पोखरा -१६ का ११ जना बिधार्थीले A+ ल्याएका छन् ।

८१ जना परीक्षार्थीमध्ये A+ ल्याउने ११जना , ३.४० ल्याउने ४१ जना सहित समग्रमा ९४ प्रतिशत रिजल्ट सहित उत्कृष्ट नम्बर ल्याएको विद्यालय शिक्षक भिम गायक ले जानकारी दिनुभयो।

यस्तैगरि इन्द्र राज्यलक्ष्मी माध्यमिक विद्यालय लामाचौरबाट ५५ जना विद्यार्थीले परीक्षा दिएका मध्येबाट २ जनाले A प्लस सहित उत्कृष्ट नम्बर ल्याउन सफल भएको विद्यालयका शिक्षक बलबहादुर श्रेष्ठले जानकारी दिनुभयो।

त्यस्तैगरी ज्ञान ज्योति मा वि छहरेपानी स्कुलबाट १४ जना विद्यार्थीले एसइ दिएकोमा ७ जना विद्यार्थी ले राम्रो नम्बरले पास भएको विद्यालयका प्र.अ याम कार्कीले जानकारी दिनुभयो ।

त्यस्तैगरी पोखरा १६ कै शान्ति मा.वि बाट १७ जना विद्यार्थी एसइइ दिएका मध्य २ जना विद्यार्थीले मात्र पास गरेको विद्यालयका प्र .अ  सूर्य गिरीले जानकारी दिनुभयो।

त्यस्तैगरी पोखरा १६ कै अन्नपूर्ण माध्यमिक विद्यालय अर्मला बाट नौ जना विद्यार्थीले एसइइ दिएका मध्ये दुई जना विद्यार्थीले मात्र पास गरेको विद्यालयका प्र माधव प्रसाद आचार्यले हामीलाई जानकारी दिनुभयो।

समग्रमा पोखरा महानगरपालिका वार्ड नं १६ मा रहेका पाँचवटा माध्यमिक विद्यालयहरूको रिजल्ट हेर्दा विन्ध्यवासिनी माध्यमिक विद्यालयको रिजल्ट उत्कृष्ट देखिन्छ भने इन्द्राजी लक्ष्मी माध्यमिक विद्यालयको नतिजा राष्ट्रिय स्तरमा हेर्ने हो भने सन्तोषजनक देखिन्छ। अन्य स्कुलहरूको शैक्षिक स्तर कमजोर भएको अनुमान गर्न सकिन्छ। आगामी दिनहरुमा यी विद्यालयहरूलाई कसरी उठाउन सकिन्छ भन्ने विषयमा सम्बन्धित निकायको ध्यान जान जरुरी देखिन्छ।

राष्ट्रिय परीक्षा बोर्ड, परीक्षा नियन्त्रण कार्यालय (कक्षा १०) ले बिहीबार सार्वजनिक गरेको एसइईको नतिजामा कुल विद्यार्थीमध्ये ४७.८६ प्रतिशत विद्यार्थीमात्रै उत्तीर्ण भएका छन् । तीमध्ये नेपालभरबाट १८६ जनाले ४ जीपीए ल्याएका हुन् ।

अहिलेको एसइइको नतिजाले ४ लाख ४४ हजार ७८५ जना विद्यार्थी परीक्षामा सहभागी भएका मध्ये २ लाख ४२ हजार ९२ जना विद्यार्थीले ११ कक्षामा पढ्न पाउने छन। ‘एनजी’ आउने परीक्षार्थीले ग्रेड वृद्धि परीक्षा नदिई कक्षा ११ मा पढ्न पाउने छैनन् ।

दुई विषयमा बिधार्थीले ग्रेड वृद्धि परीक्षा दिन पाउने छन् । दुईभन्दा बढी विषयमा न्यूनतम ३५ प्रतिशत अंक नपाएका र ग्रेड वृद्धि परीक्षा दिँदा पनि ३५ प्रतिशत अंक ल्याउन नसकेका परीक्षार्थीले अर्को वर्ष ‘एनजी’ लागेको विषयमा मात्र परीक्षा दिन पाउने जानकारी दिइएको छ।