सुनसरी गढी गाउँपालिकामा फोरुवाले घाँटी काटेर हत्या

भाद्र ४ , इटहरी

इटहरीको सुनसरी गढी गाउँपालिका-६ का ४७ वर्षीय ज्ञानचन्द्र ऋषिदेवको हत्या फरुवा (कोदालो) ले घाँटी काटेर हत्या भएको छ।

ज्ञानचन्द्रको सोमबार विहान घरबाट करिव १ किलोमिटर टाढा थलाहामा फेला परेका थियो।उनको टाउको एक ठाउँमा र शरीर अर्कै ठाउँमा भेटिएको थियो। शरीर (टाउको मुनिको भाग) थलाहामा बालुवा भेटिएको थियो भने त्यसको करिव ५० मिटर उत्तर–पश्चिम गुजाइटोकीमा टाउको भेटिएको थियो।

सुनसरी प्रहरीका डिएसपी नविनकृष्ण भण्डारीका अनुसार शव भेटिएको स्थानमा ज्ञानचन्द्र बालुवा र सिमेन्ट प्रयोग गरी रिङ बनाएर बेच्ने काम गर्दै आएका थिए।स्थानीयहरुको भनाइ अनुसार हत्यामा संलग्न ब्यक्तिहरु ज्ञानचन्दसँगै काम गर्नेहरु हुन सक्ने अनुमान गरेका थिए।

हत्या के कारणले भएको भन्ने अझै खुलेको नभए पनि हत्या आरोपमा प्रहरीले ३ जनालाई पक्राउ गरेको छ। प्रहरीका अनुसार पक्राउ पर्ने पनि ऋषिदेव समुदायकै हुन। तर, प्रहरीले नाम खुलाएको छैन। एक जनाको कपडामा हत्या गर्दा लागेको रगत समेत रहेको र हत्यामा प्रयोग गरिएको फोरुवा समेत बरामद गरेको डीएसपी भण्डारीले बताउनुभयो।