स्याङ्जाबाट पोखरा आउँदै गरेको जीप दुर्घटना-सात जना घाइते
अशोज १८ , पोखरा
स्याङ्जाबाट पोखरा आउँदै गरेको जीप आज बिहान दुर्घटना हुँदा चालकसहित सात जना घाइते भएका छन् उनीहरूलाई उपचारको लागि पोखरा ल्याइएको छ।
होमस्टेको हबको रुपमा चिनिएको सिरुबारीबाट पोखरा आउँदै गरेको ग१ज ५७५६ नम्बरको बलेरो जीप ब्रेक फेल भई आँधीखोला गाउँपालिका वडा नं २ बेझाङमा सडकको नालामा पल्टिएको अवस्थामा स्याङ्जा प्रहरीले उद्धार गरेको हो ।
प्रहरीका अनुसार दुर्घटनामा घाइते हुनेमा पोखरा-१७ छोरेपाटनकी १६ वर्षीया अमना नेपाली, पोखरा-११ की मनिषा नेपाली र उनकी ३ वर्षीया छोरी सोफिया नेपाली, आँधीखोला गाउँपालिका-५ का ५० वर्षीय आत्मराम सिग्देल, ८४ वर्षीया कलावती घमिरे, ३२ वर्षीया सिर्जना चापागाईं, अर्जुनचौपारी गाउँपालिका-५ आरुचौरका ५८ वर्षीया शान्तिकुमारी सापकोटा र ६१ वर्षीय शिव सिग्देल दुर्घटनामा घाइते भएको बताउनुभएको छ ।
स्याङ्जा प्रहरीका सूचना अधिकारी डीएसपी हरिप्रसाद पौडेलका अनुसार सबै घाइतेलाई पोखरा ल्याइएको छ । उनीहरुको गण्डकी मेडिकल कलेजमा उपचार भइरहेको डीएसपी पौडेलले बताउनुभएको छ भने जीप चालक स्याङजा अर्जुनचौपारी-५ का २७ वर्षीय सागर विश्वकर्मा प्रहरी नियन्त्रणमा लिइसकेको बताउनुभएको छ ।