केभ सिटी पर्यटन सहकारी लीको पाँचौं साधारण सभा सम्पन्न
मङ्सिर २२, पोखरा
पोखरा महानगरपालिका वडा न.१६ मा रहेको श्री केभ सिटी पर्यटन सहकारी संस्था लि. को पाँचौं वार्षिक साधारण सभा सम्पन्न भएको छ।
संस्थाका अध्यक्ष बेनीबहादुर बस्नेतको अध्यक्षतामा भएको कार्यक्रम मा अध्यक्षले कार्यक्रमको ब्यानरमा हस्ताक्षर गर्दै कार्यक्रमको उद्घाटन गर्नुभएको सो कार्यक्रममा बोल्दै बेनीबहादुर बस्नेतले सहकारी लाई राम्रो र दुरुस्त राख्नको लागि सम्पूर्ण शेयर सदस्यहरूको पनि उत्तिकै दायित्व भएको हुनाले सबैले आआफ्नो ठाउँबाट जिम्मेवारी बहन गर्नुपर्ने बताउनुभयो।
अहिले देशैभरि सहकारीप्रति मानिसहरूको वितृष्णा बढिरहेको परिवेशमा सबैले विश्वास गर्दै अगाडि बढ्न सकियो यसका कार्यक्रमहरुलाई अगाडि बढाउन सकियो भने हाम्रो सहकारी अगाडि बढ्ने कुरामा शंका गर्नुपर्ने कुनै पनि विषय नरहेको सेयर सदस्यहरूलाई प्रष्ट पार्नुभयो।
सबै सेयर सदस्यहरूले चाडपर्वको मुखमा यो सहकारीले कति बोनस दियो भन्ने विषयलाई महत्व दिनु हुने भएको हुनाले यस विषयले आफूलाई गम्भीर बनाएको भन्दै अहिले भर्खरै यस सहकारीबाट धेरै लाभंश नखोजी भविष्यको निम्ति यो सहकारी राम्रो छ भन्ने विषय सबैले बुझिदिनुभयो भने हाम्रो सहकारी राम्रो सहकारी हुँदै अगाडि बढ्ने बताउनुभयो।
कस्तै अप्ठ्यारो परिवेशमा पनि आफूले सहकारीलाई नराम्रो नगरेको नसोचेको आफ्ना सेयर सदस्यहरूले दुःख गरेर जम्मा गरेको ससानो रकमलाई आफ्नै जस्तो ठानेको हुनाले सेयर सदस्यहरूले पनि मैले जम्मा गरेको रकम कहाँ के कसरी प्रयोग भएको छ भन्ने विषयमा सबै चनाखो भई जानकारी लिदै आगाडी बढ्दै जिम्मेवारी दिएका व्यक्तित्वहरूलाई बेलाबेलामा आवश्यक सरसल्लाह गर्दै सोझबुझका साथ अगाडि बढ्ने वातावरण सिर्जना गर्नुहुनेछ भन्ने विश्वास व्यक्त गर्नुभयो।
