भागवण्डामा आधारमा खेलकुद पदाधिकारी नियुक्ति, श्रीधर शर्मा द्वारा पद तथा गोपनियताको सपथग्रहण

चैत १९, पोखरा

गण्डकी प्रदेशमा राजनीतिक भागवण्डाका आधारमा ८ जिल्लाका खेलकुद विकास समितिमा पदाधिकारी नियुक्त गरिएको छ भने एमालेले पाएका ३ जिल्लामा भने नियुक्त हुन बाँकी रहेको मन्त्रालय श्रोतले जनाएको छ।

गण्डकीका ११ जिल्ला मध्य ३ जिल्लामा भने पदाधिकारी अझै नियुक्त भएका छैनन् । गण्डकी प्रदेशका सबै जिल्ला खेलकुद विकास समितिमा फागुन ९ गतेदेखिनै सबै जिल्लाका पद रिक्त भएका थिए ।

गण्डकी प्रदेशको सामाजिक विकास, युवा तथा खेलकुद मन्त्री विन्दुकुमार थापाले सत्तारुढ नेपाली कांग्रेस र नेकपा एमालेलाई भागवण्डा लगाएर जिल्ला खेलकुद विकास समितिमा पदाधिकारी नियुक्त गर्नुभएको छ। जस अनुसार नेपाली कांग्रेसले ६ र नेकपा एमालेले ५ जिल्ला खेलकुद विकास समितिको नेतृत्व लिएको हो ।

अध्यक्ष पाएको हरेक जिल्लाको कोषाध्यक्षपनि सोहि दललाई दिइएको छ । ६ जिल्लाको नेतृत्व पाएको कांग्रेसलाई एमालेले नेतृत्व गरेको ५ जिल्लामा उपाध्यक्ष र सचिव दिइएको छ भने ५ जिल्लाको नेतृत्व पाएको एमालेलाई कांग्रेसले नेतृत्व पाएको ६ जिल्लाको उपाध्यक्ष र सचिव दिइएको छ ।

नेपाली कांग्रेसले कास्की, तनहुँ, बागलुङ, म्याग्दी, गोरखा र स्याङ्जा जिल्लाको नेतृत्व पाएको छ भने एमालेले पर्वत, तनहुँ, नवलपुर, लमजुङ र मुस्ताङको नेतृत्व पाएको छ ।कांग्रेसले नेतृत्व पाएको कास्की जिल्ला खेलकुद विकास समितिको अध्यक्षमा मिलन गुरूङ, कोषाध्यक्षमा विग्नेश थापालाई नियुक्ती गरिएको छ भने एमालेका तिलक अधिकारी क्षेत्रीलाई उपाध्यक्ष र अञ्जु केसीलाई सचिवमा नियुक्त गरेको छ ।

एमालेको भागमा परेको जिल्ला खेलकुद विकास समिति तनहुँ अध्यक्षमा अनिल पाण्डे र कोषाध्यक्षमा कविराज श्रेष्ठ तथा एमालेबाट उपाध्यक्षमा इकन पोख्रेल खनाल र सचिवमा विश्वकुमार बुढा नियुक्त भएको छ । गोरखाको अध्यक्षमा कांग्रेसका प्रेमबहादुर तामाङ र कोषाध्यक्षमा होमबहादुर थापा मगर तथा एमालेबाट उपाध्यक्षमा मुकेश बानिया र सचिवमा अमृता गुरूङ नियुक्त भएका छन् । कांग्रेसबाट म्याग्दी अध्यक्षमा सुमन श्रेष्ठ, कोषाध्यक्षमा नरेश पुन तथा एमालेबाट उपाध्यक्षमा विष्णुकुमार रोक्का र सचिवमा कुमार किशान नियुक्त हुनुभएको छ ।

कांग्रेसबाट स्याङजा–अध्यक्षमा प्रकाश रेग्मी र कोषाध्यक्षमा धिरज खाँड तथा एमालेबाट उपाध्यक्षमा विजय विक्रम खाँड र सचिवमा विद्यादेवी भट्टराई नियुक्त भएका छन् ।एमालेले नेतृत्व पाएको पर्वत अध्यक्षमा जङ्गबहादुर पुन मगर, कोषाध्यक्षमा जगतप्रसाद लामिछाने तथा एमालेबाट उपाध्यक्षमा राजन गुरूङ र सचिवमा सपना पुर्जा पुन मगर, एमालेबाट लमजुङ अध्यक्षमा सुमन श्रेष्ठ र कोषाध्यक्षमा रवि थापा तथा कांग्रसबाट उपाध्यक्षमा अमृता पौडेल र सचिवमा मिनप्रसाद घले लगायत नियुक्त भएका उहाहरु लाई गण्डकी प्रदेशका सामाजिक विकास, युवा तथा खेलकुद मन्त्री विन्दुकुमार थापाको रोहवरमा गण्डकी खेलकुद परिषदका सदस्य सचिव श्रीधर शर्माले पद तथा गोपनियताको सपथ खुवाउनुभएको थियो।