ताङ्वे समाज पोखराको शैक्षिक सम्मान तथा तारा खेल समापन
पोखरा पुस २७
ताङ्वे समाज सेवा संघ पोखरा ५ पर्स्याङले शैक्षिक सम्मान र तारा खेल कार्यक्रम समापन गरेको छ ।
शनिबार पोखराको पस्र्याङमा रहेको समाज घरमा भएको नयाँ वर्ष ढुक ल्हो(२०२५) एवं छउ पर्वको अवसरमा आयोजित कार्यक्रममा सम्मान गरिएको हो ।
समाजले २०५७ सालदेखि एसइई, प्लसटु, स्नातक र स्नातोकोत्तर तह उत्तीर्ण गर्ने ताङ्वेतानीलाई हरेक वर्ष सम्मान गर्दै आइरहेको अध्यक्ष कर्साङ छवाङले बताउनुभयो ।
कार्यक्रममा स्नातोकोत्तर र स्नातकमा तहमा उतकृष्ट अङक सहित उत्तीर्ण गर्ने क्र्रमस रिक्का गुरुङ र अस्मी गुरुङलाई १० हजार नगद र सम्मानपत्रले सम्मान गरिएको थियो ।
त्यस्तै कक्षा १२ मा उतकृष्ट अङक सहित उत्तिर्ण प्रमिल गुरुङ,सुहान गुरुङ र निमार्ण गुरुङ लाई ५ हजार ६ सय ८५ नगद र सम्मानपत्रले सम्मान गरिएको थियो भने एसइईतर्फ उकृष्ट अङक प्राप्त गर्ने ऐस्ना गुरुङ,बिओङका गुरुङ सिम्रन गुरुङ समेत सम्मान गरिएको थियो।
समाजमा २ दिनसम्म सञ्चालन भएको तारा खेल समापन गर्दै बिजेतालाई पुरस्कार वितरण गरिएको थियो ।
कार्यक्रममा प्रा.डा माया लामाले नयाँ वर्ष ढुक ल्हो (२०२५) एवं छउ पर्वको शुभकामना व्यक्त गर्दै आफ्नो बुबा र श्रीमानको सम्मानमा ५ वर्षको लागि, स्नातक र स्नातोकोत्तर तह उत्तीर्ण गर्नेहरूलाई प्रोत्साहनस्वरुप १० हजार प्रदान गर्दै आइरहेको बताइन् ।कार्यक्रममा संघका सचिव चेतन आनन्द सिंह, कोषाध्यक्ष फुर्प छिरिङलगायतले बोलेका थिए।