काम नगर्ने व्यवसायीलाई कारवाही गर्न भौतिक मन्त्रीको निर्देशन
चैत्र १७, पोखरा
गण्डकी प्रदेशका भौतिक पुर्वाधार विकास तथा यातायात व्यवस्था मन्त्री प्रकाशबहादुर केसीले मन्त्रालयको परिपत्रअनुसार काम नगर्ने व्यवसायीलाई कारवाही गर्न निर्देशन दिनुभएको छ।
मन्त्रालयस्तरीय विकास समस्या समाधान समितिको वैठक तथा चालु आ.व.को दोस्रो चौमासिक प्रगती समिक्षा कार्यक्रममा भौतिक पुर्वाधार मन्त्रीले काम नगर्ने निर्माण व्यवसायीलाई यथासिघ्र खबर गरी निर्माण कार्य सुरु गराउन पहल गर्ने अन्यथा कारबाही गर्न ढिला सुस्ती गर्न हुदैन भन्नुभयो।
चालु आर्थिक वर्ष भन्दा अघिल्लो वर्ष रोकिएका बहुवर्षिय नियमित योजनाहरु संचालन गर्न बहनाबाजी, ढिलासुस्ती गरि निर्माण कार्य नगर्ने निर्माण व्यवसायीलाई सम्पर्क गरी निर्माण कार्य सुरु गराउने तर्फ पहल गर्न आफ्ना मातहतका कर्मचारीलाई निर्देशन दिनुभयो। मन्त्रालयबाट गरिएको परिपत्र अनुसार काम अगाडी नबढाएमा निर्माण व्यवसायीलाई लिखित रुपमा कारवाहीका प्रकृया अगाडी बढाउन भन्नुभयो ।
चालु आवको वार्षिक विकास कार्यक्रममा समावेश योजनालाई समयमा सम्पन्न गर्न मन्त्रीले ताकेता गर्दै कुनै योजनाको ठेक्का प्रक्रिया बाकीँ भए चैत्र मसान्तभित्र ठेक्का सम्झौता गर्न र हाल मन्त्रालयको भौतिक ४५% र वित्तिय ३१.१५% प्रगति भएको हुदाँ कर्मचारी साथीहरुलाई सक्रिय बनाई वार्षिक गोष्ठिमा आउदा कम्तिमा ८० % प्रगति हासिल हुनपर्ने ताकेता गर्नु भयो ।
उहाले चालु आ.व. भन्दा अगाडीका एवं क्रमागत बहुबर्षीय योजनाहरुमा रकम विनियोजन न्यून भएको भए रकमान्तर भएका योजनाहरुमा तुरुन्त काम अगाडी बढाइ समस्याग्रस्त योजनाको सन्दर्भमा निर्माण व्यवसायीसंग छलफल गरि कार्य अगाडी वढाउन वा ठेक्का तोड्न सिफारिस गर्ने गरि कार्य व्यवस्था मिलाउन पहल गर्न आफ्ना मातहतका कर्मचारीलाई निर्देशन दिनुभयो।
