नेलम्बो नेपालले विश्व प्रेस स्वतन्त्रता दिवसमा निःशुल्क दन्त शिविर सञ्चालन गर्ने
![](https://www.paribartannews.com/wp-content/uploads/2023/05/images-39-7.jpeg)
बैशाख १९,पोखरा
![](https://www.paribartannews.com/wp-content/uploads/2024/09/received_1173551347278489.jpeg)
गैह्रापाटनमा रहेको नेलम्बो नेपालले यही वैशाख २० गते विश्व प्रेस स्वतन्त्रता दिवसको उपलक्ष्यमा नेपाल पत्रकार महासंघ कास्कीमा आवद्ध सञ्चारकर्मीहरुलाई निःशुल्क दन्त शिविर सञ्चालन गर्ने भएको छ ।
नेलम्बो नेपालले पत्रकार महासंघ सँग समन्वय गरेर सञ्चारकर्मीहरुको मुखको स्वास्थ्यलाई मध्यनजर गर्दै दन्त शिविर सञ्चालन गर्न लागेको हो । नेपाल पत्रकार महासंघको प्राङ्गणमा हुने दन्त शिविरमा दन्त परीक्षण, दाँतको एक्सरे दाँत निकाल्ने, दाँत सफा गर्ने, दाँतको जरै देखि उपचार, गिजाको उपचार र औषधी वितरण जस्ता सेवाहरु रहेको छ ।
नेलम्बो नेपालले आयोजना गरेको शिविर विहान ठीक आठ बजे देखि पत्रकार महासंघको प्रांगणमा सञ्चालन हुने भएको छ । शिविरमा दन्त चिकित्सक डा. सिजन मर्सानी , दन्त चिकित्सा सहायक करुणा गर्बुजा, अञ्जु वि.क. कार्यक्रम संयोजक भीम प्रसाद भण्डारी, क्लिनिकल सहयोगी रितिक चुवाई, फिल्ड एडमिन सहयोगी नम्रता ढुङ्गाना, प्राविधिक सुपरभाईजर रुपेश गुरुङ्ग र मुक्त बहादुर माल लगायत ८ जनाको टोली शिविरमा संलग्न रहने छ ।
दन्त शिविरमा सम्पूर्ण सञ्चार कर्मीहरुलाई उपस्थित भई उपचार लिन समेत आग्रह गरिएको छ । उक्त शिविरमा जरैदेखि उपचार गराईएका विरामीहरुलाई आवश्यकताका आधारमा पूनः उपचार फलोअपको पनि व्यवस्थापन मिलाईएको नेलम्बो नेपालका कार्यक्रम संयोजक भीम प्रसाद भण्डारीले परिबर्बतनन्यूज .कम लाइ बताउनु भयो ।
![](https://www.paribartannews.com/wp-content/uploads/2024/08/Screenshot_20240817-104300_Gmail-1.jpg)