शुक्ला साहित्य प्रतिष्ठानले भाद्र २० गते कृष्ण भजन चुड्का प्रतियोगिता गर्दै प्रथम पुरस्कार -एक लाख
![](https://www.paribartannews.com/wp-content/uploads/2023/08/FB_IMG_1691429754447-768x527.jpg)
साउन २२, पोखरा
![](https://www.paribartannews.com/wp-content/uploads/2024/09/received_1173551347278489.jpeg)
पोखरा १६ वाटुलेचौरमा रहेको शुक्ला साहित्य प्रतिष्ठानले आगामी भाद्र २० गते श्री कृष्ण जन्माष्टमीको अवसरमा कृष्ण भजन चुड्का प्रतियोगिता गर्ने भएको छ ।
यस सस्थाको स्थापना कालदेखि नै निरन्तर रुपमा २४ औं पटक कृष्ण जन्माष्टमी मा बिबिध कार्यक्रम गर्दै आएका प्रतियोगिताहरु गत ३ बर्ष देखि कोभिड महामारीका कारण रोकिएकोमा यस वर्ष देखि पुन संचालन गर्न लागिएको प्रतिष्ठानका अध्यक्ष हरि वरुवालले जानकारी दिनुभयो ।
आगामी भाद्र २० गते स्थानिय वाटुलेचौर मैदानमा आयोजना गरिने प्रतियोगितालाई व्यवस्थित रुपमा सम्पन्न गर्न प्रतिष्ठानका वरिष्ठ उपाध्यक्ष दुर्गादेवी वस्नेतको संयोजकत्वमा मुल आयोजक समिति, अध्यक्ष हरि वहादुर वरुवालको अध्यक्षतामा कार्य सम्पादन समिति र विभिन्न १० वटा उपसमिति गठन गरिएको छ ।
आथिर्क उपसमिति संयोजकमा कुल व. खत्री, कार्यालय व्यवस्थापनमा दिपेन्द्र वाँनिया, अनुगमनमा ईन्दु भट्टराई, मञ्च व्यवस्थापन तथा सजावटमा मोहन कुमार सुनार, स्वयंसेवक परिचालनमा संजय वस्नेत, अतिथि स्वागत तथा सत्कारमा गीता भट्टराइ भण्डारी , प्रचार प्रसारमा संजय थापा, प्राथामिक उपचारमा दुर्गा केसी थापा, खाजा व्यवस्थापनमा रुपा केसी र भजन टोली समन्वय उपसमितिमा हरि वहादुर वरुवाललाई संयोजक तोकिएको प्रतिष्ठानले जनाएको छ । गठित मुल समिति र विभिन्न उपसमितिले कार्यक्रमलाई व्यवस्थित गर्न आन्तरिक तयारी शुरु गरेको सचिव दिपेन्द्र वाँनियाले वताउनुभयो ।
भगवान श्री कृष्णको महिमा र लोप हुने अवस्थामा पुगेको भजन संस्कृतिलाई वचाई राख्ने उद्देश्यले प्रतियोगितालाई निरन्तरता दिईएको संयोजक दुर्गा वस्नेतले बताउनुभयो । प्रतियोगिता सम्पन्न गर्न करिव १३ लाख २५ हजार रुपैयाँ खर्च लाग्ने बताईएको छ । सो रकमका लागी विभिन्न संघ संस्थासँग समन्वय गरिएको र आर्थिक संकलन कार्यलाई तिव्रता दिईएको आथिर्क उपसमिति संयोजकमा कुल व. खत्रीले जानकारी दिनुभयो ।
वि.सं २०४५ सालमा स्थापना भएको प्रतिष्ठानले पोखरामा साहित्य, कला र संस्कृतिका क्षेत्रमा काम गर्दैै आईरहेको छ ।
![](https://www.paribartannews.com/wp-content/uploads/2024/08/Screenshot_20240817-104300_Gmail-1.jpg)