जिल्ला समन्वय समिति कास्कीद्वारा फिर्के पूलको अनुगमन
![](https://www.paribartannews.com/wp-content/uploads/2024/01/Messenger_creation_3f9ed63d-1ec5-48c4-8aa5-ae5c718aa16f-768x576.jpeg)
माघ २, पोखरा
![](https://www.paribartannews.com/wp-content/uploads/2024/09/received_1173551347278489.jpeg)
जिल्ला समन्वय समिति कास्कीका प्रमुख लिलाधर पौडेलको नेतृत्व मा रहेको टोलीले आज पोखरा बागलुङ राजमार्ग अन्तर्गत बन्दै गरेको फिर्केखोला माथि निर्माणधिन पूलको अनुगमन गरेको छ।
जिल्ला समन्वय समिति कास्कीका प्रमुख लिलाधर पौडेलको नेतृत्वले गरेको अनुगमन टोलिले राजमार्ग अन्तर्गत पोखरा महानगर पालिका वडा न. दुई, चार र पाँचको सिमानामा पर्ने फिर्के पूलको निर्माण कार्य असार मसान्तसम्म निर्माण कार्य सम्पन्न गर्न सम्बन्धित निर्माण कम्पनीलाई २०८१ असार मसान्तसम्म सम्पन्न गर्न निर्देशन दिएको छ।
पूलको निर्माण कार्यमा अत्यन्तै ढिलाइ भएको र जसका कारण अत्याधिक दुर्घटना समेत हुने गरेको जन गुनासो बढेपछि स्थलगत अनुगमन गरेर कामलाई तिब्ररूपमा गुणस्तरीय तवरले सम्पन्न गर्न सम्बन्धित निर्माण कम्पनीलाई निर्देशन दिएको प्रमुख पौडेलले बताउनु भयो।
समयमा गुणस्तरीय तवरले दिएको र लिएको काम इमान्दारीपूर्वक हुनुपर्यो जनताले कुनै गुनासो गर्न नपाउनेगरि आयोजनाका काम गर्नुस् , कुनै पनि बहानामा बिकासमा ढिला सुस्ती गर्ने र जनतालाइ दुख दिने काम कुनै हालतमा सह्य नहुने प्रमुख पौडेल अनुगमन को समयमा सम्बन्धित ठेकेदार कम्पनीका जिम्मेवार व्यक्तिलाइ बताउनुभएको थियो।
पोखरा महानगर वडा न. दुइका अध्यक्ष दिवस मान प्रधानाङ्ग ,चारका अध्यक्ष देवकृष्ण पराजुली ,पाँचका अध्यक्ष बिष्णु प्रसाद बराल र जनप्रतिनिधि, जिल्ला समन्वय अधिकारी नवराज बराल ,सरोकारवाला कार्यालय सडक डिभिजन कार्यालय पोखराका प्रमुख नवराज बास्तोला ,इन्जिनियर र प्राबिधिक सहित अनुगमनमा पुग्नुभएका पौडेलले कुनै एक पक्ष मात्रै कमजोर तवरले लागेमा निर्धारित लक्ष्य पूरा नहुने भन्दै सबै निकाय जिम्मेवारीका साथ लाग्न सकेमा समृद्धि सम्भब हाम्रै पालामा हुने बताउनु भयो।
जिल्ला समन्वय समिति कास्कीमा आफ्नो नेतृत्वको समिति आएपछी बिकासमा हुने लापरबाही र जनताका गुनासा सुनेर समन्वय सहजीकरणका लागि गुनासो डेस्क राखिएको भन्दै पौडेलले , कास्कीका बिकास निर्माण र कार्यालयहरूको सेवा प्रबाहमा समेत कहिँ कतै कमजोरी भेटेमा तत्काल आफुहरूलाइ खबर गर्न स्थानीय सरोकारवालाहरू सहित सम्पूर्ण कास्कीबासी महानुभाबहरू लाइ आग्रह समेत गर्नुभएको थियो।
बि स २०७५ सालमा सम्झौता भएर ३० महिनामा सक्नु पर्ने उक्त पूलको काम पटक पटक म्याद थप हुँदै पछिल्लो पटक २०८१ असार मसान्तसम्म सम्पन्न गर्ने गरि म्याद थप भएकोले अब म्याद थप्ननपर्ने गरिकाम गर्न निर्देशनात्मक सुझाव दिनुभएको थियो।
![](https://www.paribartannews.com/wp-content/uploads/2024/08/Screenshot_20240817-104300_Gmail-1.jpg)