पोखरा म्याराथनमा सडक सुरक्षालाई प्राथमिकता दिने कास्की प्रजिअ घिमिरेको प्रतिवद्धता

माघ २८,पोखरा

सफल पोखरा अन्तर्राष्ट्रिय म्याराथनको १८ औं संस्करणको सडक सुरक्षाका लागि सुरक्षा निकायसँग छलफल कार्यक्रम सम्पन्न भएको छ ।

नेपाल भुतपुर्व खेलाडी मञ्चको आयोजनामा आगामी फागुन ५ गते हुने म्याराथनको समयमा हुन सक्ने ट्राफिक व्यवस्थापन सँगै धावकका लागि सडक सुरक्षाको विषयमा आइतबार जिल्ला प्रशासन कार्यालय कास्कीमा छलफल भएको हो । जिल्ला प्रशासन कार्यालय कास्कीको समन्वयमा धावक तथा खेलाडीहरुको सुरक्षा व्यवस्थालाई मध्यनजर गर्दै पहिलो पटक यस्तो छलफल सम्पन्न भएको हो ।

जिल्ला प्रशासन कार्यालय कास्कीका प्रमुख प्रमुख जिल्ला अधिकारी बासुदेव घिमिरेले सुरक्षा निकायले सडक सुरक्षा नभई धावकको सुरक्षामा ध्यान दिनुपर्नेमा बताउनुभयो।

जिल्ला प्रशासन कार्यालयको तर्फबाट गर्नुपर्ने आवश्यक पर्ने सम्पूर्ण सहयोग गर्ने प्रतिबद्धता जनाउँदै सफल म्याराथनलाई सफल बनाउने प्रमुख जिल्ला अधिकारी बासुदेव घिमिरेले विश्वास दिलाउनु भएको हो। आयोजक मञ्चलाई एपिएफ र नेपाल पुलिसलाई म्याराथनको रुटको नक्सा प्रदान गर्न अनुरोधगर्दै पुलिस र एपिएफलाई आ आफ्नो योजना अनुसार सघाउन समेत अनुरोध गर्नु भएको हो।

प्रमुख जिल्ला अधिकारी बासुदेव घिमिरे ले “हामीले सेक्युरिटी दिने होइन बरु सेफ्टी दिने हो । यहाँ सेक्युरिटी चाहिएको होइन्, धावकहरुका लागि रोड सेफ्टी चाहिएको छ त्यसका लागि हामी सहयोग गर्छौ’ भन्नुभयो, “प्रशासनले जे–जे गर्नुपर्ने हो गर्छौ । बरु तपाईँहरुले स्टार्ट पोइन्टमा भन्दा इन्डिङ पोइन्टतर्फ एम्बुलेन्सहरु बढी राख्नुस् ।”भन्नु भएको थियो।

१८औ सफल पोखरा म्याराथनका दिन प्रहरी परिचालनमा कमी भएमा प्रदेशबाट समेत मगाउने र म्याराथनको १० किमिमा आफुसहित कार्यालयका कर्मचारी र अन्य सरकारी निकायकालागि समेत पत्राचार गरिने साथै प्रहरीले म्याराथनमा खटिएका स्वयम सेवकलाई चिन्ने र उनीहरुसँगको समन्वय कसरी गर्ने भन्ने कुराको जानकारी दिन आयोजक सग अनुरोध गर्नुभएको थियो ।

छलफलमा सहायक प्रजिअ गंगा बहादुर क्षेत्री, नेपाल आर्मी, शसस्त्र प्रहरी, नेपाल प्रहरी र कास्कीका ट्राफिक प्रहरी प्रमुख प्रहरी निरिक्षक भानु शर्मालगायत सुरक्षा निकायका प्रमुखहरुको सहभागिता रहेको थियो ।

आयोजक सस्थाका को तर्फबाट अध्यक्ष हरिप्रसाद पराजुली, मञ्चका निवर्तमान अध्यक्ष तेज बहादुर गुरुङ, संस्थापक अध्यक्ष खड्ग बहादुर रानाभाट, सुरक्षा उपसमितिका संयोजक पूर्व प्रहरी निरिक्षक हरि बहादुर बरुवाल, सुरक्षा उपसमितिका सल्लाहकार पूर्व एसपी विष्णुहरि गौतमले म्याराथन अन्तर्गत अपनाउनु पर्ने विशेष सुरक्षा ब्यवस्था बारे जानकारी दिनुभएको थियो ।