ट्रकले ठक्कर दिँदा एक महिलाको मृत्यु, गठ्ठाघर क्षेत्र तनावग्रस्त
श्रावण ३१, काठमाडौं
काठमाडौँ भक्तपुरको गठ्ठाघरमा ट्रकले ठक्कर दिँदा स्कुटर चलाउने महिलाको मृत्यु भएको छ।
जिल्ला प्रहरी कार्यालय भक्तपुरका डीएसपी राजन कार्कीका अनुसार ट्राफिक प्रहरीले चेकिङ गरिरहेका बेला राकिएको स्कुटरलाई पछाडिबाट ट्रकले ठक्कर दिएपछि महिलाको घटनास्थलमै मृत्यु भएको थियो।
बा ४९ प ८९४४ नम्बरको स्कुटरलाई ना ६ ख २१७३ नम्बरको ट्रकले ठक्कर दिएको थियो । ट्रकको ठक्करबाट स्कुटर चालक महिलाको घटनास्थलमै मृत्यु भएको थियो।
ट्रकले ठक्कर दिँदा महिलालाई केहही परसम्म घिसारेको प्रत्यक्षदर्शी ले बताएका थिए। उनको शव ट्रकमुनि रहेको प्रहरीले बताएको छ। क्रेन ल्याएर महिलाको शव निकाल्ने प्रयास भइरहेको डीएसपी कार्कीले बताउनुभएको थियो भने मृतकको परिचय अहिले सम्म खुलेको छैन।
स्कुटर चालकको मृत्यु भएपछि अहिले गठ्ठाघर चोकमा प्रदर्शन भइरहेको छ। स्थानीय व्यक्तिहरूले ट्रकमा ढुंगामुढा गरिरहेका छन्। त्यहाँको अवस्था तनावग्रस्त रहेको प्रहरीले बताएको छ ।