शैक्षिक सुधारका लागि कुनै कसर बाँकी राखिदैनः अध्यक्ष थापा
![](https://www.paribartannews.com/wp-content/uploads/2023/07/356975449_952006702580403_8820430850364796376_n-768x312.jpg)
साउन ९ ,पोखरा
![](https://www.paribartannews.com/wp-content/uploads/2024/09/received_1173551347278489.jpeg)
पोखरा महानगरपालिका वडा नं. २६ का वडा अध्यक्ष नरेन्द्र थापाले सरकारी शिक्षण संस्थाको सुधारका लागि कुनै कसर बाँकी नराख्ने र शैक्षिक सुधारका कार्यक्रमहरु संचालन गरिने बताउनु भयो ।
सामुदायीक बिद्यालयका तर्फबाट कास्की जिल्लामा छात्राहरुको तर्फबाट प्रथम भएकी पोखरा २६ लक्ष्मी उच्च माविमा अध्यानरत छात्रा मेनुका शर्मालाई वडाले गरेको सम्मान कार्यक्रममा बोल्दै अध्यक्ष थापाले सरकारी र सामुदायिक विद्यालयमा बिद्यार्थीहरुलाई जामजाम गर्ने परिस्थिति निर्माण गर्नका लागि वडा कार्यालय प्रयत्नशिल रहेको बताउनु भयो ।
पोखरा महानगरपालिका वडा नं. २६ ले नेपालमा नै पहिलो पटक वडा अध्यक्षसँग बालबालिका कार्यक्रम संचालन गरेको र उत्त कार्यक्रम प्रभाबकारी भएकाले मासिक एक पटक उक्त कार्यक्रम संचालन गरिने पनि बताउनु भयो । अध्यक्ष थापाले सरकारी शिक्षण संस्था सुधारका लागि वडाले सिर्जनसिल योजनाहरु अगाडी सारेको बताउनु भयको थियो। उहाले शिक्षा क्षेत्रलाई अंक मापनको मात्र बिषय नबनाई अतिरिक्त कृयाकलापमा पनि जोड दिनुपर्ने बताउनु भयो ।
वडा कार्यालयले बिभिन्न बिधामा विजय हाँसिलगरि वडाको नाम जिल्लामा राख्न सफल भएका बिधार्थी हरुलाई सम्मान गरिरहेको र आगामी दिनमा पनि वडाको नामलाई जिल्ला र देशमा राख्ने बिद्यार्थीहरुलाई सम्मान र हौँसला दिनका लागि कुनै कसर बाँकी नराख्ने बताउनु भएको थियो । थापाले सम्मानित छात्रालाई उच्च शिक्षा अध्ययनको लागि पनि सहजीकरण गर्ने बताउनुभयो ।
वडाध्यक्ष नरेन्द्र थापाको अध्यक्षतामा भएको कार्यक्रममा वडा सदस्य तीर्थराज रानाभाट, लक्ष्मी भट्टराई, वडा शिक्षा समितिका सचिव मिना भट्टराई भण्डारी, सदस्यहरु हरिप्रसाद अधिकारी, रमेश भट्टराई, प्रकाशलाल श्रेष्ठ, बेदप्रसाद बास्ताकोटी, लक्ष्मी माध्यमिक विद्यालयका विद्यालयका प्रधाननध्यापक जगन्नाथ अधिकारी लगायतको उपस्थितिमा कार्यक्रम सम्पन्न भएको थियो ।
![](https://www.paribartannews.com/wp-content/uploads/2024/08/Screenshot_20240817-104300_Gmail-1.jpg)