शुक्ला साहित्य प्रतिष्ठानले गरेको कृष्ण भजन प्रतियोगितामा पाल्पाको धर्मोदय दशवतार वालन संस्कृत समुह प्रथम
![](https://www.paribartannews.com/wp-content/uploads/2023/09/bidhya-1-768x432.jpg)
भदौं २१ ,पोखरा
![](https://www.paribartannews.com/wp-content/uploads/2024/09/received_1173551347278489.jpeg)
पोखराको वाटुलेचौरमा श्रीकृष्णजन्माष्टमीको सुभअवसरमा श्रीशुक्ला साहित्य प्रतिष्ठान पोखराले आयोजना गरेको खुल्ला कृष्ण भजन प्रतियोगितामा पाल्पाको धर्मोदय दशवतार वालन संस्कृत समुह प्रथम भएको छ ।
मध्यरातसम्म चलेको प्रतियोगितामा सहभागी टिमले विभिन्न झाँकी र कृष्ण लिला समेत प्रस्तुत गरेका बिभिन्न २४ टिम हरु मध्य बाट देवीस्थान भजन समुह हेम्जा दोस्रो पुरस्कार पाउँ सफल भयको थियो , ईशानेश्वर भजन समुह तेस्रो र ओमकारेश्वर भजन समुह फुलवारीले सान्त्वना स्थान प्राप्त गरेको थियो ।
विगत २४ वर्षदेखि निरन्तर रुपमा श्रीकृष्णजन्माष्टमीको सुभअवसरमा बिबिध कार्यक्रम गर्दै आएको श्रीशुक्ला साहित्य प्रतिष्ठान पोखराले प्रतियोगितामा प्रथम हुने टिमलाई नगद १ लाख, द्वितिय हुने टिमलाई ७५ हजार, तृतिय हुने टिमलाई ५० हजार, सान्त्वना हुने टिमलाई २५ हजार र सहभागी २० टिमलाई प्रोत्साहन स्वरुप नगद ५ हजार सहित प्रमाणपत्र प्रदान गरिएको थियो ।
कार्यक्रमको प्रमुख अतिथि प्रतिनिधी सभा का सदस्य विद्या भट्टराईले पानसमा बत्ति बालेर उद्घाटन गर्दै कला संस्कृति वाटै नै निरन्तर मानव सभ्यताको विकास हुदै आएकोले यसको संरक्षण गर्न आवस्यक भएको वताउनुभयो । उहाँले यस्ता कार्यक्रमले पोखराको धार्मिक पर्यटन विकासमा समेत टेवा पुर्याउने विश्वास व्यक्त गर्नुभयो ।
श्रीशुक्ला साहित्य प्रतिष्ठानका अध्यक्ष हरि वरुवालको अध्यक्षतामा भएको कार्यक्रममा कार्यक्रमको सम्योजक दुर्गादेवी वस्नेतले कला, संस्कृति तथा साहित्य उत्थानमा प्रतिष्ठान सदेैव अग्रसर भइ अगाडी बढ्ने वताउनुभयो । प्रतियोगितामा सहभागी टोलीको मुल्यांकन संयोजक सिर्जना थापा, संस्कृतिविद् डा. कुशुमाकर न्यौपाने र सह प्राध्यापक अम्विका प्र. भट्टराईले गर्नुभयको थियो । कार्यक्रमको संचालन पोखराका लोक दोहरी गीतका अग्रज गायक प्रजापति पराजुलीले गर्नुभएको थियो । कार्यक्रममा बिभिन्न सघसस्था , लगाएत मनकाधनि व्यक्तिहरुले सहयोग गर्नु भएका हरुलाई सम्मान गरिएको थियो।
![](https://www.paribartannews.com/wp-content/uploads/2024/08/Screenshot_20240817-104300_Gmail-1.jpg)