दोरम्बा पहिरोमा हराइरहेका १० जनामध्य आठजनाको शव फेला
भदौ १२ , रामेछाप
भदौ ९ गते बिहान गएको पहिरोमा परी चार घर बगाउँदा हराइरहेका १० मध्ये आजसम्म आठजनाको शव फेला परेको जिल्ला प्रहरी कार्यालयका प्रहरी प्रमुखले बताउनु भयो।
मङ्गलबार एक महिलाको बायाँ खुट्टाको पैतालाको भागमात्र भेटिएपछि हराइरहेका आफन्त संग कुरा गर्दा नङ पालिस लगाएको बाङ्गो औलाका भएकी आफ्नै हराएकी श्रीमती भएको श्रीमान् कुमार पहरीले बताएपछि सनाखत गरी परिवारको जिम्मा लगाइएको जिल्ला प्रहरी कार्यालयका प्रहरी प्रमुखले बताउनु भयो।
शनिबार राति परेको अविरल वर्षाका कारण सो गाउँपालिकाको वडा नं ३ लेखर्कमा पहिरोमा परेर ११ जना बेपत्ता भएका थिए । बेपत्तामध्ये एकजनालाई जीवितै उद्धार गरिएको थियो भने छजनाको शव सोही दिन नै निकालिएको थियो । त्यसपछि एकको शव हिजो रअर्को एकजनाको पैतालाको भाग फेला परेपछि मृत्यु हुनेको सङ्ख्या आठ पुगेको जिल्ला प्रहरी कार्यालयका प्रहरी प्रमुखले बताउनु भयो।